[ معلومة كهربية ] لمبة التلاعب في عداد الكهرباء !

[محمد ابو العز]

لمبة التلاعب في عداد الكهرباء .. (سؤال وجواب) كل اللي محتاج تعرفه عشان تحمي نفسك من الغرامات









بسبب الأسئلة الكتير عن "لمبة التلاعب" (Tamper) وليه بتنور فجأة، جمعنا لكم كل التفاصيل في شكل دليل سريع ومبسط:
س: هل إضاءة لمبة التلاعب معناها إني "حرامي كهرباء"؟
ج: طبعاً لأ! اللمبة دي "جهاز إنذار مبكر". ممكن تنور بسبب عيب فني في جهاز عندك، أو تداخل في الأسلاك، أو حتى لو العداد إتهز من مكانه. المهم إنك تتعامل معاها بجدية عشان متتحولش لمشكلة قانونية.
س: ليه اللمبة بتنور لما بشغل التكييف أو السخان بس؟
ج: ده معناه إن الجهاز ده فيه "تسريب أرضي". يعني العزل الداخلي للجهاز فيه مشكلة والكهرباء بتهرب منه. العداد بيحس إن الكهرباء اللي طالعة مش قد اللي راجعة، فبينور عشان يحذرك إن فيه هالك كهرباء أنت بتدفع تمنه وكمان فيه خطر صعق.
س: اللمبة منورة علطول حتى وأنا فاصل كل الأجهزة.. إيه السبب؟
ج: هنا المشكلة غالباً بره شقتك:
-ممكن يكون سلك "النيوترال" ملمس مع جارك.
- موتور الميه أو نور السلم متوصلين غلط وساحبين من عدادك.
- غطاء العداد مش راكب كويس أو فيه إهتزاز في مكان تثبيت العداد.
س: ينفع أفتح العداد وأحاول أطفي اللمبة بنفسي؟
ج: ممنوع تماماً! العداد متبرمج أول ما الغطاء يتفتح يسجل "محاولة تلاعب" فوراً. حتى لو الكهرباء مقطوعة، العداد فيه بطارية داخلية بترصد الحركة دي. مش هتعرف تطفيها إلا بفني الشركة والكارت الرئيسي، وممكن تدفع غرامة كبيرة.
س: هل يؤدي "احتراق لمبة الإضاءة" العادية في الغرفة لظهور إنذار التلاعب؟
ج: إحتراق اللمبة العادي لا يسبب ذلك، ولكن إذا حدث "قصر في الدائرة" (قفلة) قوية لحظة إحتراقها، قد يؤدي ذلك لإهتزاز مؤقت في نظام العداد البرمجي. إذا إختفت اللمبة بعد تغيير اللمبة المحروقة فلا مشكلة، أما إذا إستمرت فهناك خلل في "الدواية" أو السلك.
س: هل تقريب مغناطيس من العداد يسبّب إضاءة لمبة التلاعب؟
ج: نعم، بكل تأكيد. العدادات مسبقة الدفع مزودة بحساسات داخلية حساسة جداً للمجالات المغناطيسية (Magnetic Sensors).
- بمجرد تقريب مغناطيس (بهدف التأثير على دقة القياس أو إبطاء العداد)، يقوم العداد بالآتي:
إضاءة لمبة التلاعب (Tamper) فوراً.
تسجيل "واقعة تلاعب مغناطيسي" في ذاكرة العداد الدائمة (باليوم والساعة).
فصل التيار الكهربائي عن الشقة في معظم الموديلات الحديثة.
س: إيه خطر إني أسيب اللمبة منورة ومبلغش؟
ج: المخاطر نوعين:
مخاطر مادية: العداد ممكن يفصل عليك فجأة، ولما تروح تشحن الكارت هتلاقي مسجل عليك مخالفة وغرامة تلاعب.
مخاطر أمان: إضاءة اللمبة بسبب تسريب كهرباء ممكن تؤدي لماس كهربائي أو حريق لا قدر الله.

نصيحة أخيرة من "وعي كهربائي":
لو اللمبة نورت، ابدأ بفحص لوحة المفاتيح داخل شقتك عن طريق فني شاطر. لو المشكلة مش من عندك، كلم الخط الساخن 121 أو روح شركة الكهرباء فوراً وأطلب "فحص عداد". خليك دايماً في الأمان.​