[ معلومة كهربية ] إجابات الاسئله التي تخص الجارد سويتش - (Guard Switch)

[محمد ابو العز]

إجابات الاسئله التي تخص الجارد سويتش - (Guard Switch)

​

حلول ومشاكل نسالكم الدعاء لو فعلا عجبك البوست واستفادت منه هنزلك بقيه اجهزه الحمايه

سؤال 1 : ينفع اركب جارد سويتش في اللوحه اللي تحت لوحه العدادات


ينفع لو اللوحه اللي فوق ضيقه او متبوره وانت مش عاوز تركب فيها أو تزود باره وتفتح في الصاج

سؤال 2 : جارد سويتش بيركب قبل العداد ولا بعده


يركب بعد العداد في حاله ٣ فاز انما لو سنجل عادي مش هتفرق قبل ولا بعد

سؤال 3 : ايه الأنواع اللي ينفع تركب قبل العداد وايه الانواع اللي متنفعش وتبقي كارثه لو ركبت قبل العداد


الانواع اللي ينفع قبل العداد هو ٢٢٠ اي ماركه واي نوع وينفع بعد طالما فيه قاطع قبل العداد

اللي مينفعش هو الثلاثي وده كارثه لو ركبت قبل العداد اقولك ليه فرضنا النيوترال فصل بتاع خارج العداد الثلاثي ايه يحصل

تتحرق الاجهزه وهو مش هيحس لان الخارج والداخل تمام بدليل العداد شغال اهو وهو اصلا بيحس بالدخول مش الخروج

طالما فيه جهاز شغال ومفيش راجع عليه

سؤال 4 : ايهم افضل اركب قاطع جارد سويتش ٣ فاز ولا اركب ٣ أحادي


من وجهه نظري ٣ أحادي لان الغالب منهم لو فازه سقطت بيفصل نهائي بس احنا بنركب الثلاثي عشان المكان وتوفير اسلاك

واعتبارات أخري كتير

سؤال 5 : أمتى نركب قاطع تحت وأمتى يركب فوق في اللوحة


علي حسب حجم اللوحه وعاوز تفتح ولا لا لوحه مبوره ولا عاديه عشان فيه لوحات بتبقي وصلات البارات موجوده

جاهزه ومستحيل تتفك من القاطع وفيه وصلات احنا اللي بنشتريها ونركبها وبتبقي شغلانه مرهقه في ال ٣ فاز واحيانا بيقي فيه

قاطع مولتيد وبتبقي قصة

سؤال 6 : معروف أنه بيحمي من ارتفاع وانخفاض الفولت تمام طيب لو جيت بعده قطعت النيوترال من باره النيوترال في اللوحه يفصل


لا مش هيفصل ومعظمهم كده لانه بيحس بالدخول فقط ولو فصلت نيوترال الخروج قصيته بعد مسافة وحملت عليه اجهزه

وفصلت النيوترال عن اجهزه أخري مش هيفصل وهتتحرق الأجهزة

​

الاجابات هتريحك من زحمه تركيب القاطع في اللوحه احيانا في بعض الحالات

اذا أتممت القراءه صلي علي النبي وانتظر الجزء التاني من حلول ومشاكل الجارد سويتش

وأمته نركب كونتكر وايه الفرق بين اجهزه الحمايه المختلفه. وهل الجارد سويتش ينفع في كل مكان ولا

وايه الفرق بينه وبين الاستبليزر ومعلومات كتير هنطرحها بإذن الله

​