مقاسات وارتفاعات علب ولوحات الكهرباء للمنزل

[محمد ابو العز]

مقاسات وارتفاعات علب ولوحات الكهرباء للمنزل

عشان ماتندمش وقت الفرش .. خطط للكهرباء صح

أكبر غلطة ممكن تقع فيها وأنت بتستلم "محارة" هي إنك تبدأ تأسيس الكهرباء من غير ما يكون عندك توزيع فرش
(Furniture Layout) واضح ومدروس

لأن التأسيس الى بيتم بشكل عشوائي قبل تحديد مقاسات السرير أو الكومودينو او خلافه عدم مراعاة ارتفاعات العفش بالنسبة لمفاتيح الإنارة والبرايز بيطلع فى الأخر في مشاكل فى المظهر العام او الإستخدام

في بوابة كهرباء العرب بنمشي بخطوات تضمن لك الراحة

أرسم مخطط الفرش الأول بالملى
حدد أماكن "علب الكهرباء" بناءً على ارتفاع السرير، المكتب، وكاونتر المطبخ.
أعمل "شرب" موحد للموقع كله بأستخدام ميزان الليزر عشان نضمن إن مفيش بريزة تطلع أعلى من التانية بشكل يشوه المنظر

إرتفاع اللوحات وعلب الكهرباء


1 - لوحة التوزيع الرئيسية ( 180 سم ) من شرب البلاط

2 - مفاتيح الإضاءة ( 120 سم ) من شرب البلاط

3 - برايز الخدمات الأرضية ( 60 سم ) من شرب البلاط

4 - علبة جرس الشقة ( 180 سم ) من شرب البلاط

5 - برايز الكومود ( 80 سم ) من شرب البلاط

6 - ارتفاع برايز المطبخ فوق الرخامة ( 120 سم ) من شرب البلاط

7 - ارتفاع برايز غسالة الملابس والبوتاجاز وفلتر المياه من ( 50 سم ) الى ( 70 سم ) من شرب البلاط

8 - إرتفاع الشفاط الهرمى ( 170 سم ) من شرب البلاط

9 - بريزة او مخرج السخان ( 170 سم ) من شرب البلاط

ونترك للأعضاء التعليقات على الموضوع

نحن هنا نطرح المواضيع لنفيد ونستفيد من بعض ودمتم فى رعاية الله

@محمد ابو العز

​