نقـــاش وظائف ومميزات اللمبة 200 وات التى لاغنى عنها ( بوابة كهرباء العرب ) .

[Volt]

الموضوع المجمع لوظائف اللمبة التنجستين 200 وات
​

الموضوع مفتوح لكل أعضاء بوابة كهرباء العرب​

اللمبه ال٢٠٠وات دي غريبه جدا ليها مليون استخدام

نقولها تعالي نستلم شغل من النقاش تقولك حاضر وتطلع عيوب كأنها عشرين استشاري في بعض

تعالي اعملك ميزان ليزر عشان مزنوق وممعيش فلوس اشتري ميزان او باظ وعندي صنايعيه عطلانه تقولك حاضر وتطلع نفس الجوده

نقولها عندي قفله ومش عارف اوصلها تيجي تحدد لي في لحظتها

عندي رعشه في الكهرباء وعاوز احدد واتاكد من الأرضي ولا الكهرباء ولا العداد تقولك حاضر اسرع من الافو ١٠٠٠ مره في الاعطال او الرعشه اللي بتيجي جزء من الثانيه

تعالي حددي لي مكان قطع في الكبل مضروب علي بعضه تحدد لك وتطلع دخان في مكان العطل

تعالي لي حدد لي عطل داخل خرطوم تيجي لك وتسمع صوت العطل واضح بدون نزول القاطع

عندي اسلاك ومش عارف دول فازات مختلفه ولا فازه مكرره ينفع اختبرهم اشوف احطك علي فازاتين كانك افو تقول حاضر

اقولها حلي مشكله ماكينه السلم جت شويه ووقفت ومش عارف فين الحل تقولك حاضر

جبت مشروع كتاكيت علي قدي ينفع اعملك دفايه ليهم تقولك حاضر

عندي طفل مولود عنده الصفرا ينفع تساعدينا وتبقي غرفه عنايه ليه وتساهمي في علاجه من خلالك تقولك حاضر

وقعت مني اتحرقت ينفع تشتغلي تاني تقولك حاضر وصلني في الكهرباء وهزني بس وانا السلك الداخلي بتاعي هيلمس الدائره تاني واشتغل بس جرب وانا في الكهرباء بس لكن بره لا

الكهرباء بترعش والافو مش بيحدد لازم افضل ماسكه و المشكله بتحصل كل ربع ساعه ومش عارف احدد ممكن تساعديني تقولك حاضر

عندي بريزه صاروخ ٣ فاز ممكن تختبريها ممعيش افو تقولك حاضر

عاوز اعرف عندي ضعف كهرباء عاوز اعرف مصدره قبل العداد ولا الشارع اعرف منين ممكن تساعديني تقولك حاضر

معلش عندي نجفه فيها قفله وعاوز احلها بسرعه ممكن تساعديني تقولك حاضر

الخلاصه
ان مفيش غنى عن اللمبة الـ 200 وات ولا حد يقدر يشخص أعطال من غيرها

​

 

[محمد ابو العز]

​

1 - طريقة تحديد القفلة باللمبة الـ 200 وات السريا والحرق على مكان العطل​

​

الشرح نقلا عن المهندس الكبير أدهم العزازى​

الفيديوا فى المرفقات



​

 

[Volt]

​

2 - طريقة تحديد الفازات المختلفة بواسطة لمبتين 200 وات على التوالى​

لتحديد الفازات (الأطوار) باستخدام لمبتين (200 وات/220 فولت) في نظام 3 فاز

يتم توصيلهما على التوالي (Series) لقياس الجهد بين الفازات، حيث تتحمل اللمبتان معاً الجهد العالي.

تضيء اللمبات بإضاءة قوية (طبيعية) عند توصيل فازين مختلفين، ولا تضيء عند توصيل فاز مع نفسه أو فاز مع نيوترال.

​

خطوات تحديد الفازات ( فاز 1، فاز 2، فاز 3 )​

التجهيز : أحضر دوايتين (Lamps holders) ولمبتين متماثلتين (200 وات أو 100 وات كحد أدنى) وموصلات.

التوصيل على التوالي: قم بتوصيل طرف من اللمبة الأولى بـ "فاز أ"، والطرف الآخر للمبة الأولى بالطرف الأول للمبة الثانية.

توصيل الطرف الثاني: قم بتوصيل الطرف المتبقي من اللمبة الثانية بـ "فاز ب".

الفحص: فاز + فاز مختلف ( L1-L2, L2-L3, L1-L3 ): تضيء اللمبتان معاً بإضاءة شديدة (طبيعية) لأن الجهد بينهما 380 فولت كل لمبة ( 200 - 190 ) فولت

فاز + نيوترال (N) أو فاز + نفسه: لا تضيء اللمبات أو تضيء إضاءة خافتة جداً.

تحديد الفازات: قم بتبديل الأطراف حتى تجد أزواج الفازات التي تعطي أقصى إضاءة لللمبتين.

تحذير: يجب استخدام لمبات متماثلة القدرة وتجنب لمس الأطراف العارية أثناء التوصيل لتفادي الصعق الكهربائي

​

 

[Medo]

شكرا على الشرح المميز​